martes, 27 de abril de 2021

PRÁCTICA 9: Introdución ao Mindfulness (ONL_02)

PRÁCTICA 9:  Realizada en equipo por Felipe, Lucía, María e Yanira

 

1.- Valoración/reflexión da práctica

Posto que no noso caso non foi a práctica presencial, fixemos unha reflexión global sobre o mindfulness, sobre a noso coñecemento previo, a importancia e o resto da práctica nove, incluídos os audios e as prácticas realizadas a nivel individual pola nosa conta.

O coñecemento do mindfulness é totalmente distinto en cada un/ha de nós.

Así para María por exemplo resultou ser algo totalmente novidoso do que non tiña previo coñecemento, sen embargo a partir da escoita dos audios, foi comprendendo que verdadeiramente se alcanza un estado de  atención ao corpo, da respiración e conséguese que os outros pensamentos vaian desaparecendo ou ocupando menos espazo na mente, mentres practicas os exercicios.

Para Yanira, que xa oíra falar do mindfulness, tiña prexuízos sobre esta práctica, pois consideraba que para levala a cabo se precisaba dunha dedicación moi exclusiva que restaría tempo para as súas outras ocupacións tanto persoais como profesionais, sen embargo, recoñece e dáse conta que  realmente os seus beneficios poden resultar moi satisfactorios a nivel persoal pero tamén a nivel profesional, tanto para docentes como para o alumnado, pensando que incluso debería ser unha materia a establecer dentro das aulas. Claro que considera que sería imprescindible contar cunha boa formación previa do profesorado.

Felipe, por outra banda, xa tiña un coñecemento básico do mindfulness, posto que tivo a oportunidade de realizar un curso específico polo CFR de Ourense. Confesa que lle espertou moito interese pero considera que é primordial ter vontade por querer practicalo, e para iso, aínda que progresivamente, hai que incorporalo á cotiá como unha filosofía de vida.

E Lucía cre que, ademais de interesante, sería necesario levar a cabo estas prácticas, xa que a presión constante do traballo, os estudos, a carga psicolóxica que arraiga a situación social que estamos a vivir... fan que se estea acumulando unha situación constante de estrés e ansiedade, a cal sería aliviada a través do mindfulness.

En xeral, a todos nos gustaron os audios, para realizar os exercicios, e sentímonos moi ben ao seguir as súas instrucións, e pensamos que sería moi bo poder seguir practicado máis a miúdo, ata poder incluso incorporar estas prácticas á nosa vida cotiá. E, especialmente, tamén nos parece moi interesante poder aplicalo na aula cos alumnos, deste ou doutro xeito (adaptando). Cremos que realmente é necesario porque os beneficios, como se poderá ver máis adiante, son realmente moi positivos e efectivos.

 

2.- Resumo das ideas principais dos 7 fundamentos da práctica do Mindfulness

  • NON EXUIZAR.-. Evitar os hábitos inconscientes de categorizar, que enchen as nosas experiencias de reaccións automatizadas. Simplemente recoñecer, observar e non facer xuízos das reaccións e pensamentos, e non deixarse arrastrar por eles.
  • PACIENCIA.- Tanto a nivel corporal como mental, non deixar que a impaciencia nos domine. E tampouco non sentir agonío por sentir impaciencia, debemos deixar un espazo para conseguilo. Debemos ser primeiro consciente desa realidade, desa reacción impaciente, asumila, observala e non deixarse arrastrar. Ser paciente consiste en permanecer coa mente aberta a cada momento, aceptando con toda plenitude e respectando os ritmos.
  • MENTE DE PRINCIPIANTE.- Temos que cultivar unha mente disposta a velo todo coma se o vise por primeira vez, liberándonos das expectativas xeradas nas experiencias pasadas. Obtendo así novas miras de todo, así coma os procesos do mundo natural nunca os vemos igual, debemos facer esa similitude. 
  • CONFIANZA.- Practicar a confianza nun mesmo e nos seus propios sentimentos. Obedecer as nosas sensacións e intuicións, e ter confianza na propia bondade para non depender dunha autoridade ou guía externa. Podemos aprender dos demais, pero debemos primeiro aprender de nos mesmos, evitando imitar, ou envexar. Sentindo os nosos propios sentimentos, as nosas propias experiencias escoitando o corpo e tendo confianza nel.
  • NON FORZAMENTO.- O obxectivo da meditación na práctica do mindulness é ser nós mesmos. Para practicar non debemos forzar o momento nin a situación. Só debemos centrarnos naquilo que está presente ou que está sucedendo nese momento. Buscar obxectivos forzados non funciona. A aceptación e asunción do que nos ocorre en cada momento será o camiño para lograr o obxectivo desexado.
  • ACEPTACIÓN.- Ser consciente do presente, do que sentimos, de ver realmente as cousas como son no momento presente, sen caer na resignación pasiva. A aceptación non significa que nos teña que gustar todo, senón aceptar as cousas tal como veñen sen pensar en como poderían ser. Si asumimos a realidade tal como é no momento en que se vive, mellor disposición teremos de afrontalas e de saber que facer.
  • SOLTAR.- Na práctica da meditación, do mindfulness, debemos desprendernos do apego aos nosos pensamentos, sentimentos e experiencias. Simplemente cando veñen no momento debemos aceptalas e observalas, sen aferrarnos a elas, asumindo que é algo pasaxeiro e que diso trata o devir da vida, dun proceso de cambios constantes e seguidos.

 

3.- Cales consideras que son os principais beneficios do mindfulness para os nenos e nenas de ed. Infantil e/ou primaria?. E os beneficios para os docentes?. Indica a lo menos, 4 beneficios que foran contrastados pola investigación. Busca información na rede e cita es fontes que utilices.

 

3.a) Beneficios para nenos e nenas de infantil e/ou primaria:

  • Conecta coas emocións, favorecendo o equilibro emocional e psicolóxico.
  • Favorece o desenvolvemento da capacidade de atención e concentración. Axuda a asimilar a nova información de maneira máis serena e relaxada, aprendendo mellor e evitando o risco de exceso de información. Aporte de elementos para o desenvolvemento persoal, social e a promoción de benestar na escola, complementando así os aprendizaxes académicos tradicionais
  • Mellora do autocontrol diminuíndo os impulsos negativos. Reducindo tamén a ansiedade. Reduce os pensamentos negativos posto que a nosa mente tende cara a negatividade desde idades moi temperáns.
  • Aumenta a consciencia do propio corpo e polo tanto favorece á súa saúde. Axuda para concilar un mellor sono, os nenos dormen mellor, polo tanto o seu descanso é óptimo, favorecendo a concentración e en consecuencia que se sintan máis seguros.

 FONTES:

 

3.b) Beneficios para os docentes:

  • Favorece o benestar xeral, ensina a conectar co teu verdadeiro potencial interior en calquera circunstancia da vida. A título persoal favorece o teu potencial para poder aplicalo ao teu ambiente e experiencia profesional e laboral.
  • Aumenta o nivel de intelixencia emocional e tamén aumenta a claridade e creatividade do pensamiento.
  • Redución dos niveis de estrés, esgotamento e depresión. Manexo do estres para evitar chegar á “síndrome de Burnotpor agotamento” [1].  Incrementa a enerxía e desenvolve a resilicencia.
  • Fomenta o equilibrio emocional. Regulación das emocións. Axuda a aprender a responder con sabeduría e liberdade, evitando reaccións impulsivas e condicionamentos instintivos, externos ou de hábitos automáticos. Aumento do optimismo e do autoconcepto, favorecendo a autorregulación e habilidades coma maior capacidade de observación, de non xulgar  e non reaccionar de xeito agresivo ou negativo.
  • Mellora na autoeficacia docente. Xa que facilita ferramentas que favorecen e potencian un entorno amable, motivador e creativos que facilita as relacións entre docentes, e entre docente e alumno, e familias (por exemplo, axuda a evitar “berrarlle aos nenos”, falar e conversar con calma, o que se traduce en clases emocionalmente máis positivas e produtivas. Ou tamén axuda a afrontar conflitos que poidan producirse na atención ás familias, mantendo unha actitude de calma e profesionalidade, facilitando a comunicación e o entendemento).

 FONTES:

 

 

4.- Si quixeras formarte en mindfulness a donde acudirias?. Busca na rede 1 ou 2 cursos de formación en mindfulness para docentes que estén avalados por algunha institución oficial ou que consideres que son programas de calidade.

 

Neste exercicio cada un/ha de nós buscamos 1 ou 2 cursos de formación en mindfulness. Achénganse as ligazóns e referencias na seguinte táboa:

FELIPE

LUCÍA

MARÍA

YANIRA

 

5.- Busca na rede 3 ou 4 (dependendo do número de membros do grupo) actividades de mindfulness para nenos/as de infantil ou de primaria. Pon os enlaces aos blogues ou páxinas web donde os atopes. Buscar en diferentes blogues.

 

  • Momentos de transicións. Cando chega o momento de saír ao patio, pídeselles aos estudantes que fagan 3 respiracións profundas e logo tócase unha campá. Pídese que a escoiten en silencio e que esperen a que o son se desvaneza antes de levantarse e saír. De: https://atencion-plena.com/mindfulness-para-maestros-atentos/ 


[1] “A síndrome de Burnout, adoita presentarse con maior frecuencia naqueles postos de traballo relacionados con atención a terceiros, como: docentes, persoal sanitario ou persoas que traballan en atención ao cliente.” Fonte: Escobar, P. (16 de maio de 2016). Síndrome de Burnout: 14 signos de agotamiento laboral. En Instituto de Neurociencias. Junta de Beneficiencia de Guayaquil (Ecuador). Recuperado de https://institutoneurociencias.med.ec/component/k2/item/15033-sindrome-de-burnout-14-signos-de-agotamiento-laboral

en
Etiquetas: , , , , ,

No hay comentarios:

Publicar un comentario

Suscribirse a: Enviar comentarios (Atom)