PRACTICA 2: Coñecendo as emocións
- REFLEXIÓN:
Despois de
analizar cada emoción individualmente e logo dunha reunión de reflexión
conxunta a través de Teams, démonos conta de que o que máis complexo nos segue
resultando é etiquetar ou identificar as emocións, polo que encadralas e
percibilas dun xeito visual, coma neste caso nun cadro, axudounos moito.
En canto a levar
a cabo esta actividade na aula, houbo discrepancias, nuns casos parécenos que
os nenos son máis simples e capaces de expresar os sentimentos dun xeito máis
fluído que os adultos, polo tanto que adaptando a actividade e facéndoa máis
sinxela, dende casos reais e no propio momento, podería ser factible, pola
contra outro punto de vista é que os nenos non son capaces aínda de conectar todas
as emocións coas accións, sen ir máis alá de expresar o seu contento ou tristeza
sen afondar noutras.
No que si
chegamos a un acordo unánime é que o actual sistema educativo segue sen dedicarlle
tempo e darlle importancia a educación emocional do xeito que debería, seguimos
a dar primacía a outro tipo de contidos/habilidades, e non nos paramos a
dialogar e a falar sobre o que nos preocupa, o que nos fai sentir ben, o como
se senten os nenos e nenas, os procesos que sofren… co creemos que habería que
rachar.
Finalmente tamén nos fixamos que, pola educación que recibimos nos mesmos, tendemos a compartir sempre os momentos máis alegres ou satisfactorios, e reservar os que nos producen tristeza ou malestar, dando a entender que a vida e estar ledos e ben, sen ser consciente que o ser humano pasa por procesos de tristeza, rabia, medo e ou malestar, que xunto aos momentos de alegría, placer e gozo son os que nos fan ser únicos e irrepetibles, formando parte da nosa vida a partes iguais.
No hay comentarios:
Publicar un comentario