PRACTICA_8_A árbore dos LOGROS (EO2)

 PRACTICA_8_A árbore dos LOGROS

                  Lucía

                   Felipe

                   Yanira

    María

-       Valoración global:

Todos consideramos esta unha práctica agradable e pracenteira, a súa rama artística especialmente, pararse a crear algo que nos defina, que nos aporta calma e nos aviva recordos, xa que en algún caso, malia traballar con nenos, facía tempo que non nos parabamos a debuxar e crear, foi realmente reparador. Por outra parte, coincidimos en que foi "un chute de enerxía", unha sopro de positivismo e mellora de autoestima en todos os casos, as veces os adultos esquecemos valorar cada pequeno paso que nos achega a esas grandes metas que tanto ansiamos.           

-        Definir os obxectivos: 

 O principal obxectivo da actividade é a mellora da autoestima, a través da reflexión sobre a imaxe propia e as calidades positivas que temos e que nos levaron a acadar todos os logros ao longo da vida, a vista, as frondosas e frutíferas árbores que estamos a lograr, sen dúbida, a actividade cumpre o seu obxectivo e a súa realización favoreceu e mellorou a nosa autoestima e axudounos a ver de todo o que fomos e somos capaces.

-        Valoración da utilidade: 

Resultounos unha actividade útil sobre todo a nivel persoal, recoñecendo as nosas calidades positivas que non estaban tan valoradas como deberan, a visualizar todo aquelo que conseguimos e ao que non lle dábamos importancia, a valorar os apoios, por exemplo o familiar, a prestar atención aos pequenos pasos que nos fixeron chegar a outros logros de maior importancia... e isto repercute tamén no ámbito profesional, xa que cando nos sentimos ben con nos mesmos, nos valoramos e nos queremos, e máis nun traballo coma o docente, vese reflexado na práctica, con maior entusiasmo e ganas.

-        Aplicación a Educación Infantil e/ou Primaria: 

Parécenos unha práctica aplicable e moi enriquecedora para mellorar a autoestima dos cativos en calquera das etapas, con algún matiz, como ben indica unha das compañeira, na etapa de infantil, este tipo de actividades, malia ser moi visuais e representativas, quédanse pobres pola falla da lectoescritura desta etapa, o que fai que o impacto do resultado, da expresión en si que teñen esas palabras que nos definen e moven as emocións, sería nulo, por outra parte, apunta outra das compañeiras, a falta de recoñecemento dos logros ou saber expresar as súas capacidades, en cativos tan pequenos tamén sería un impedimento no que o mestre podería axudar verbalmente, polo tanto sería unha actividade que deberíamos adaptar para esta idade, malia iso, creemos que no resto das etapas sería posible e enriquecedora, axudando aos nenos e nenas no desenvolvemento afectivo, a mellora da autoestima e recoñecemento de si mesmos, de un dos membros do equipo xa a levou a práctica na aula, obtendo moi bos resultados.