REFLEXIÓN CONXUNTA
Neste grupo unha persoa xa coñecía a ferramenta DAFO xa que a utilizara en estudos anteriores, e
outras dúas descoñecíamos a mesma. En
xeral resultounos complicada a tarefa, máis que polo desenvolvemento da mesma ,
polo traballo de reflexión sobre nós mesmos que tivemos que facer. Ao mesmo tempo pareceunos moi ilustrativo o resultado, porque
nos fixo centrarnos nas oportunidades e ameazas sobre o tema en concreto de “ chegar a ser profesores
de Educación Infantil” e decatarnos de como fomos cambiando as nosas prioridades
ao longo do estudo da mesma. Os membros do grupo coincidimos en que mais que o
resultado final de obter a titulación e despois aprobar a oposición, intentamos
desfrutar do que aprendemos e se abriron outras oportunidades de docencia mais
alá de traballar nun colexio.
Parécenos unha ferramenta relativamente sinxela de utilizar a partir de certa idade, que
pode chegar a ser moi útil na análise dalgunha situación que nos supoña un dilema o dificultade, así como na toma de decisións.
A análise de nosa actuación para a conseguir chegar a ser docentes pasou
por reflexionar sobre o noso propio desenvolvemento profesional, co obxectivo
de identificar problemas e establecendo alternativas posibles de
solución dos mesmos e a partir de aí poder poñerlles solución. A ferramenta
DAFO debería ser un punto de partida para coñecernos a nós mesmos, sendo a segunda parte aproveitar o
resultado para facer certas correccións e mellorar.
Un punto en común nas reflexións de tódolos membros é que se identifican
as debilidades e os puntos a mellorar, con maior o menor dificultade, que sería o
punto de partida que comentaba
anteriormente. A diferenza atopámola na segunda parte , xa que algúns
membros teñen claro como levar a cabo os cambios necesarios e outros
indican
que ou ben non coñecen a forma de superalos o ben lles levaría moito esforzo. Una nova
coincidencia é que existe en tódolos casos a
intención clara seguir mellorando
e intentando afrontalas.
Deste xeito,
como conclusión final, consideramos que esta análise DAFO é unha boa forma de
plasmar nun papel o camiño que unha persoa segue e por onde o quere continuar,
sendo un elemento moi práctico tanto a nivel emocional como profesional.
Como
ferramenta para nenos de infantil nos resulta un tanto complicada, pero en primaria pensamos que xa poderíamos
comezar a utilizala. A partir de que os nenos e nenas son conscientes das súas
propias fortalezas e debilidades, quizais no segundo ciclo de primaria, sobre
3º ou 4º. Tamén cremos que pode ser moi beneficiosa para eles, axudándolles a
identificar os seus puntos fortes e as súas debilidades e poder aplicalos en
distintos ámbitos e situacións da vida, dende os estudos ata unha situación
fóra da escola.
No hay comentarios:
Publicar un comentario