A experiencia que saco desta
práctica ten tanto connotacións positivas como negativas a nivel persoal. Por
un lado, decateime de que verdadeiramente teño dificultades para identificar o
que sinto en cada momento, sendo isto quizas froito da vida tan axetreada que a
moitos nos toca vivir, o cal por suposto non debo ter como excusa persoal para
non realizar este tipo de exercicios.
Por outra banda, sorprendinme
bastante da dicotomía nos meus sentires, pois tras rematar o meu mapa dos
sentires, vin perfectamente esbozado a gran diferencia entre a miña vida
laboral/académica e a miña vida no fogar.
Eu xa era consciente de que
evidemente o ámbito laboral e as miñas obrigas académicas me sometían a certas
presións, pero non me decataba en que medida e, dende logo, non me deixou de
sorprender como no meu ámbito persoal, a miña vida sentimental supón o piar
fundamental que me sostén e me afasta deses aspectos máis desagradables do día
a día.
A miña conclusión principal
desta práctica resulta a necesidade de me prometer a min mesmo reflexionar
máis de vez en cando acerca do meu estado de ánimo, tanto para poder actuar
fronte a eses sentires máis desagradables, como para seguir valorando cada día
mais aqueles momentos, vivencias e persoas que me producen sentires máis
agradables.
No hay comentarios:
Publicar un comentario